Në një hark të shkurtër kohor, zyrtarë dhe media pranë të LSI-së, kanë reaguar shumë ashpër ndaj një deklarate të ish- ambasadorit amerikan Rajerson, nëpërmjet së cilës ai i bënte thirrje deputetëve të PD-së që të votonin Reformën në Drejtësi dhe të mos bëheshin kukulla në duart e lidershipit.
Një deklaratë kjo që pati jo pak jehonë mediatike dhe politike dje, po të kihet parasysh se ish-ambasadori njihet publikisht si një nga mbështetësit e ish- Kryeministrit Berisha. Por ndërsa në kampin e PD-së heshtën ndaj kësaj deklarate, krejt e kundërta ndodhi me aleatin qeveritar, LSI-në, a thua se deklarata u adresohej deputetëve të LSI-së dhe jo atyre të PD-së.
Reagimi në bllok kundër Rajersonit tingëllon i pashpjegueshëm, nëse nuk futet në kontekstin e sulmit të LSI edhe thirrja e tij për votimin e reformës. Apeli i ambasadorit ishte një përpjekje për të ndërgjegjësuar deputetët demokratë, por nga ana tjetër, ishte edhe në një linjë edhe qëndrimin formal të LSI-së për të votuar pro Reformës. Sjellja në kujtesë e disa fakteve historike, të cilat për hir të realitetit e kanë bërë ish-ambasadorin të jetë mjaft i kontestuar, sidomos nga forcat e majta, më shumë se një përpjekje për portretizimin e tij, dukeshin si përpjekje për të zhurmuar deklaratat e Uilliam Rajerson pro Reformës.
Në fakt edhe vetë LSI-ja, e cila kritikon “shkollën e plepave” ka qenë pjesë e bashkëqeverisjes me ish-kryeministrin Berisha (që akuzohet se ka qenë edhe arkitekt i “shkollës së plepave). S’e kemi dëgjuar asokohe, për shembull, ish-ministrin Vasili, ta kritikojë shefin e tij Berisha për juristët e plepave.
juristet e plepave e shpetuan meten nga burgu. prandaj nuk do qe ata te ikin prej radiografise amerikane