Pak javë pas mbylljes së sesionit parlamentar, kryeministri Edi Rama ka zgjedhur të rinisë programin e ri politik të qeverisë nga bregdeti, ku mori pjesë në mbledhjen me të rinjtë dhe pedagogët e Akademisë “100 fshatrat”.
Rama tha se ky projekt ndihmon në zhvillimin në disa drejtime të Shqipërisë rurale. Kryeministri u ndal tek bashkëpunimi i qeverisë me Akademinë, por edhe ai i institucioneve.
Sipas kryeministrit, do të ketë një bashkëpunim edhe me universitetet e huaja të cilat do të marrin pjesë në këtë projekt.
Në fjalën e tij, Rama krahasoi vendet e tjera të Bashkimit Europian që kanë të zhvilluar agroturizmin. Rama tha se qeveria dhe akademia po shqyrtojnë të njëjtat mundësi si në Zvicër.
Në fund të fjalës, kreu i ekzekutivit përsëriti premtimin se në muajt shtator-tetor qeveria do të finalizojë kontratën për nisjen e punimeve për Bypass-in e Fierit. Rama iu kërkoi ndjesë për bllokimin që sipas tij pati në Fier për shkak të trafikut të rënduar.
“Dua të falenderoj të gjithë ju që erdhët, veçoj ata që erdhën me vonesë, se janë më të lodhur. Ndjesë për bllokimin në Fier, është një gangrenë besoj se do jetë viti i fundit i bllokimit të kësaj rruge në Fier. Besoj se në shtator ose tetor të jemi brenda, ne do të kemi një kontratë të re për të nisur punën e By-Passit të Fierit” – tha Rama në Jalë.
/b.d
Te shohim.