Një shkëputje e sistemit të policisë greke si pasojë e rrjetit që furnizon me sinjal interneti, ka shkaktuar radhët e gjata në pikën doganore të Kapshticës. Në një reagim të ambasadës Shqiptare në Athinë për situatën në Kapshticë, mësohet se sinjali është rikthyer, ndërsa për më shumë se tre orë qytetarët kanë pritur në radhë në temperatura të larta.
“Nga komunikimi me autoritetet policore greke të Drejtorisë së Policisë Florinë lidhur me radhët e krijuara gjatë ditës së sotme në PKK Kapshticë, jemi informuar se ka një shkëputje të sistemit të policisë greke si pasojë e rrjetit që furnizon me sinjal interneti.
Sistemi ka patur shkëputje të herë pas hershme për shkak të internetit që nuk varet nga policia greke.
Sinjali është rikthyer rreth orës 12:45 sot ndërsa problemi ka qenë i përgjithshëm si në sinjalin e internetit ashtu edhe ne sinjalin e telefonisë lëvizëse.
Aktualisht po punohet normalisht”.
