Nëse jeni përdorues i Netflix apo aplikacioneve të njohjeve, emri Cecilie Fjellhoy mund t’ju tingëllojë i dëgjuar.
Ajo ishte një nga vajzat e pafata të ”Mashtruesit të Tinder-it”, dokumentari hit për Simon Leviev. Cecilie është njëra prej grave që u mashtrua prej tij, emri i vërtetë i Leviev është Shimon Hayut dhe shtirej si trashëgimtar i pasur duke iu zhvatur atyre shuma të majme parash.
Pesë vite më vonë, Cecilie është gati të kërkojë dashurinë, shkruan “BBC”. Këtë herë ajo do të marrë pjesë në “Celebs Go Dating”, një spektakël televiziv ku një kast personazhesh të njohur nga shfaqjet “reality” dalin me njerëz të zakonshëm.
“Nuk ndihem si e famshme, nuk dua që njerëzit të mendojnë se e shoh veten si të tillë”, tha ajo për “Newsbeat”. “Por e vlerësoj faktin që fytyra ime njihet në botë”.
Pasi ka ndarë përvojën e saj, Cecilie është më e hapur ndaj njohjeve të reja. Madje, ajo është rikthyer në aplikacionin Tinder. ”Nuk e kam parë Tinder-in si fajtor për atë që më ndodhi mua sepse unë e takova vërtet atë”, tha ajo.
Pas publikimit të dokumentarit, Cecilie mori reagime të shumta pozitive nga shikuesit, por edhe një mori komentesh misogjiniste që e quajtën “zhvatëse” që e meritonte të mashtrohej.
Ndërkohë, Leviev endet i lirë.
/a.r
