Ishin disa qytete në rajon të cilat nuk u përfshinë në festimet e Vitit të Ri, duke zgjedhur t’i kalojnë fondet për bamirësi. Kjo ndodhi në Bosnje, Serbi e Maqedoni. Ndërsa në Shqipëri a Kosovës, as që u bë fjalë të ndodhte një akt i tillë. Vetëm në Tepelenë ndodhi që bashkia e atyshme anulloi një koncert në nderim të një qytetareje që ndërroi jetë së bashku me foshjnën e saj pas djegjes së banesës.
Shkak që disa qytetet zgjodhën mos i bëjnë paratë “rrush e kumbulla” me koncerte, drita e fishekzjarre, ishte lajmi se qyteti Kakanj në Bosnje hoqi dorë nga festimi i Vitit të Ri u përhap shpejt nëpër rrjetet sociale duke ngjallur reagime pozitive në gjithë rajonin.
Se humanizmi në këto kohë të vështira është më i rëndësishëm se sa të festuarit, erdhën në përfundim edhe disa qytete dhe komuna të tjera.
Pritje të organizuar të Vitit të Ri nuk pati as në qytetin e Pozhegës në Serbi.
Në këtë qytet, të hollat shkuan për të riparuar skanerin në spitalin në Uzhice, pasi qytetarët e Uzhicës dhe të Pozhegës, për shkaqe të diagnostifikimit, me ditë të tëra kanë udhëtuar për në qytetet e tjera.
Për arsye të ngjashme, nga kremtimi hoqën dorë edhe qytetet në vijim: Novi Pazar, Vranje, Knjazhevac, Vishegrad, dhe shumë qytete të tjera. Midis tyre, edhe kryeqyteti maqedon, Shkupi.
“Burimet simbolike në vlerë prej dy milionë denarë (32,700 euro), që u planifikuan për pritje të Vitit të Ri, Shkupi i kaloi për zgjidhjen e problemeve sociale”, tha Nedelko Krstevski, zëdhënës i qytetit të Shkupit.
Numri më i madh i këtyre vendimeve u mor përmes peticioneve të inicuara nga qytetarët.
Humanizmi është i kuptueshëm për sociologët, sidomos në një situatë të vështirë sociale. Megjithatë, anulimet e festimeve, thonë ata janë kryesisht një tregues i mungesës së zgjidhjeve sistematike të këtyre problemeve.
“Ideja që para një feste apo natës së Vitit të Ri të ndërmerret një iniciativë e tillë, tregon për një kritikë drejtuar vendit që nuk ka bërë sa duhet në mënyrë sistematike për të parandaluar impulset e tilla të daljes në ndihmë, altruizmit, bamirësisë, të cilat janë gjithmonë të mirëseardhura, sepse ato tregojnë ndjenjën për tjetrin”, shpjegoi sociologu Ratko Bozoviç.
Aksionet humanitare kanë nxitur madje edhe nisma të reja; disa komuna kanë krijuar fonde të veçanta për përgjigje emergjente.
“Ne kemi formuar një buxhet të konsiderueshëm për disa veprime urgjente, por kjo është përsëri një tregues i dobësisë. Unë shpresoj që ky vend të konsolidohet sa më tepër, në mënyrë që veprime të tilla do të jenë minimale dhe që gjërat të rregullohen në mënyrë sistematike”, tha kryebashkiaku i komunës së Kakanj, Mandra.
Iniciativa për të anulluar festimin ka pasur edhe në qytetet më të mëdha serbe – Beograd, Novi Sad, Suboticë. Organizimet e pritjes së Vitit të Ri me këngëtarë, megjithatë, nuk janë anuluar, por shumica e zyrtarëve të qyteteve kanë premtuar se një pjesë e parave të grumbulluara gjatë turizmit të natës së Vitit të Ri do të përdroren për qëllime humanitare. /tesheshi/
