Kryeministri Edi Rama ka shkuar këtë pasdite në Kurbin, ku po mban një takim elektoral, në kuadër të fushatës për zgjedhjet e 14 majit.
Por pak minuta pasi nisi takimi, një qytetar bërtiti “Rama ik”. Por kreu i qeverisë e priti me sportivitet këtë thirrje.
Ai deklaroi se mezi po e priste që dikush të thonte “Rama ik”, pasi u shpreh se këto thirrje janë rralluar.
“Mezi po prisja. Në çdo takim është një zë fëmije diku në fund që thotë ‘Rama ik’. I ka rënë niveli fare tani. Kanë shkuar tek fëmijët tani ose ata që janë tapë në 7 të mëngjesit. I japin ndonjë lek aty, i japin nga 5 mijë lekë për të bërtitur ‘Rama ik’”, theksoi kryeministri.
