Deputetja e opozitës së re, Rudina Hajdari e ka quajtur si një fitore të madhe të qytetarëve ndryshimet Kushtetuese, të cilat sipas saj mundësuan hapjen e listave të kandidatëve për deputet në zgjedhjet e ardhshme.
Hajdari tha nga foltorja e Kuvendit se tani qytetarët nëpërmjet votës së tyre do të mund të sjellin në Kuvend deputetët punëtor dhe jo lëpirësat, hajdutët dhe matrapazët.
Deputetja e opozitës së re u shpreh se tashme qytetarët kanë në dorë një “armë”, të cilën ia hoqën nga dora kryetarëve të partive.
“Këtë fitore ja dedikoj të gjithë qytetarëve shqiptarë. Ata i treguan politikës se nëpërmjet sondazheve ata mbështesin këtë ndryshim dhe listat e hapura. Pa ata ky votim do ishte i pamundur, këtë fitore dua t’ia dedikoj kësaj klase politike që i kanë imponuar dy apo tre veta axhendën e tyre.
Kjo gjendje ka detyruar që shumë qytetarë të largohen nga situata që jemi pa shpresë dhe pa vizion. Me këtë votim, me këtë fitore që po korrim sot, ne e kemi në dorë ta administrojmë më mençuri, këtë armë që kemi sot në dorë, ne dua heqim këtë fuqi kryetarëve dhe ua kthejmë qytetarëve.
Nëpërmjet votës tuaj do sillni këtë sallë deputet që janë punëtorë dhe jo deputetë që janë lëpirës ndaj qytetarëve. Do sillni profesorë, dhe jo kriminel dhe matrapazë. Do sillni njerëz me integritet dhe jo ata që lakmojnë pushtetin dhe paranë.
Shqipëria sot ka një ndarje shumë të madhe, ndarje që s’është mes të majtëve dhe të djathtëve.
Ndarja sot është mes atyre që kanë gllabëruar pasurinë e këtij vendi dhe 2.8 milion shqiptarë që paguajnë taksa nuk marrin asnjë shërbim”, tha Hajdari.
g.kosovari
