‘Quaje Ramën kryehajdut’, kreu i KLSH-Berishës: Zbatoj ligjin, nuk bëj politikë

Ish-kryeministri Sali Berisha i ka kërkuar kreut të KLSH, Bujar Leskaj t’u drejtohet ministrave dhe kryeministrit Edi Rama me fjalët hajdutë dhe kryehajdut, pasi sipas tij nga dokumentet e audituara, ka rezultuar se janë abuzuar 1.2 mln euro nga koncesionet.

Nga foltorja e Kuvendit, ku raportoi veprimtarinvë vjetore të KLSH, Leskaj tha se detyra e tij është zbatimi i ligjit dhe jo të bëjë politikë. Berisha thumboi edhe ministrin për Diasporën, Pandeli Majko, i cili e ndërpreu në një moment kur ish-kreu i qeverisë po akuzonte Agron Xhafajn dhe Olsi Ramën, për të cilët tha ai, maxhoranca ka sjellë një ligj favorizuar për lojërat e fatit.

Berisha: Ju ke deklaruar shqiptarëve me dokumenta origjinale shtetërore të firmosuera dhe vulosura nga kjo mazhorancë se këta… çdo epitet mund tu vësh këtyre që janë mbrapa me në krye atë kryehajdutin aty, a ju drejtove në fjalën tuaj: O të poshtëruar hajdutë që keni vjedhur 1.2 miliardë euro qytetarëve më të varfër të Europës apo jo?

Unë e kuptoj por vetëm se një gjë është, po shkove tek Mit’hat Frashëri shkon tek e vërteta dhe ajo e vërtetë do të detyronte ty tu drejtoheshe këtyre vetëm në këtë mënyrë atyre që u kanë grabitur shqiptarëve 1.2 miliardë euro në koncesione, në tendera. Kjo nuk është e dhënë e imja dhe as opozitës, është e dhënë e institucionit qëndror të llogarive të shtetit. A e dini se këta këtu kanë sjellë në parlament një ligj për Olsin dhe Geronin, do të thotë që lojërat e fatit të ulet 3 herë tatimi.

Po Pandeli, më mirë mos fol se ti edhe të përzënë, edhe të kthejnë, lexoje ligjin.Ndryshimi i ligjit ul taksën për Olsin dhe Geronin, nga 80% të fitimit që kanë ata tani nuk do u merret më 15% i 80% por vetëm 20%. Ulet katër herë taksa e lojërave të fatit. Shkëlqim Cani, për të cilin kam diskonsideratë absolute, por të paktën tregoi karakter dhe nuk pranoi të firmosë një ligj të tillë. Ai hajduti me çizme, e bën se i merr paratë dhe ja çon atij. Ju keni alergji ndaj të vërtetave. Herë tjetërke parasysh, tu drejtohesh hajdutë dhe kryehajdutë këtyre, kjo është gjuha që kuptojnë këta.

Leskaj: I dashur Doktor, besoj se KLSH dhe unë e kemi bërë punën time audituese.Nuk mund të kalojmë ato vija që ligji nuk na i lejon. Ne audituesit nuk bëjmë politika, ne auditojmë zbatimin e  politikave. Nëse unë si kryetar i KLSH në punën time në këto vite do të kaloja në këtë fushë riskoja pavarësinë e institucionit. Mund të kisha fituar disa kredite vetë por nuk ishte mirë për institucionin.

a.ç