Përbërësit:
1.5 kg merluc
1 tufë majdanoz
1 qepë
2 vezë
Kripë
Piper
Miell
Vaj
350 g domate të qëruara
4 thelbinj hudhër
1/2 lugë harissa (salcë me bazë specin djegës).
Përgatitja:
Fillimisht pastrojmë peshkun, duke i hequr kokën, halat etj.
Më pas e presim me copa të vogla dhe e vendosim në një enë duke i shtuar majdanozin e prepë hollë, kripë dhe pipër, vezët e rrahura, gjysmë qepë të prerë hollë.
I përziejmë mirë e mirë dhe pasi të jetë formuar brumi tipik i qofteve nisim përgatitjen e tyre duke formuar topa të vegjël.
I lyejmë me miell dhe i skuqim në një enë të thellë me vaj të nxehtë.
Sapo të kenë marrë një gjyrë të artë i vendosim në një letër kuzhine thithëse.
Ndërkohë, përgatisim salcën:
Presim hollë gjysmën tjetër të qepës dhe hudhrat, shtojmë dy lugë vaj dhe i skuqim për pak minuta.
Më pas iI hedhim lart domatet e qëruara.
Masës i shtojmë kripë, piper, harissa-n si dhe gjysmë gote ujë.
E mbulojmë enën me kapak dhe e lemë të ziejë për rreth çerek ore në zjarr të ulët.
Kur salca të jetë gati i shtojmë qoftet lart, i përzijmë mirë e mirë dhe i shërbejmë të ngrohta.
