Kreu i Partisë Demokratike, Lulzim Basha bashkë me disa zyrtarë të PD që janë me profesion mjekë, kanë dalë në një deklaratë për mediat. Basha u ka bërë thirrje të gjithë qytetarëve që të dëgjojnë këshillat e mjekëve dhe të kujdesen sa më shumë për jetën e tyre.
Më tej numri një i opozitës u shpreh se ai ka mbledhur grupin e profesionistëve për të përballuar sa më mirë situatën me koronavirusin në vend.
“Ne kemi një nga stafet me të speciliazuara të mjekëve që mund të përballojnë çdo sitatë. Sot duhet të jemi të ndërgjegjshëm dhe të përgjegjeshëm dhe të zbatojmë këshillat e mjekëve. Të gjithë ata që vijnë nga Italia dhe nga zonat e prekura nga koronavirusi duhet të shkojnë për ekzaminim dhe të dëgjojnë këshillat e mjekëve. Tani nuk është koha për panik, por koha për qetësi’, u shpreh Basha.
Kreu i PD tha se qeveritë shkojnë dhe vijnë, por e rëndësishme është të dëgjohet zëri i ekspertëve.
“Shëndeti i shqiptarëve është në duart tuaja, të gjithë jemi në mbështetjen tuaj. Nuk duhet të nguroni çfarë ju nevojitet. Qeveritë shkojnë dhe vijnë, ata që do mbeten jeni ju”, tha Basha.
g.kosovari
