Nis puna për rikonstruksionin e Urës së Bunës. Ky projekt është një investim i qeverisë shqiptare nëpërmjet Fondit Shqiptar të Zhvillimit, si dhe me ndihmën e Forcave të Armatosura.
Ministrja Kodheli evidentoi qartë se kjo urë nuk është pronë e Ministrisë së Mbrojtjes, por vjen si një korrespondencë që daton herët me Bashkinë Shkodër.
Ministri i Jashtëm Ditmir Bushati theksoi nga ana e tij se ky investim po bëhet si nevojë dhe kujdes ndaj Shkodrës.
“Por ne sot po prezantojmë fazën e parë të punimeve, pasi së shpejti do të vijojmë me preznatimin e vizionit tonë për bregun e liqenit të Shkodrës, si një zonë me potencial të lartë për turizmin e zonës”, tha Bushati.
Gjatë kohës që në Shkodër zhvillohej ceremonia për përurimin e punimeve të Urës së Bunës, punonjësit e bashkisë ishin të pranishëm në Tiranë në bllokimin e rrugëve. Kryeministri Rama përmes një postimi në fb deklaroi se Voltana Ademi refuzoi ftesen per te marre pjese ne ceremoni.
“Ditmiri në Shkodër me Fondin e Zhvillimit, ushtrinë dhe shoqërinë civile të qytetit për të rindërtuar Urën e Bunës. Voltana refuzon ftesën për të marrë pjesë në fillimin e punës dhe çon gjithë bashkinë e Shkodrës në Tiranë për të bllokuar rrugën“, shkruan Rama.
c.a
