Në mbledhjen e sotme më 12 nëntor 2025, qeveria miratoi propozimin për emërimin në pozicionin e Drejtorit të Përgjithshëm të Institutit të Statistikave (INSTAT).
Tre kandidatët e përzgjedhur për këtë rol janë Elsa Dhuli, Ledjon Shahini dhe Lantona Sado.
Ky hap synon të sigurojë një drejtim profesional dhe të qëndrueshëm të INSTAT-it, duke rritur besueshmërinë dhe cilësinë e të dhënave statistikore, që shërbejnë për vendimmarrje, bazuar në fakte.
Përveç kësaj, me propozimin e Ministrit të Bujqësisë dhe Zhvillimit Rural, Këshilli i Ministrave miratoi projektligjin “Për nënproduktet me origjinë shtazore”.
Qëllimi i këtij ligji është parandalimi dhe minimizimi i risqeve për shëndetin publik dhe shëndetin e kafshëve, duke garantuar sigurinë e zinxhirit ushqimor dhe të ushqimeve për kafshë.
Qeveria gjithashtu njoftoi se në këtë mbledhje ka ndërmarrë hapa konretë, kundër pastrimit të parave.
