Koronavirusi ka mbërthyer edhe qeverinë britanike pasi kryeministri Boris Jahnson dhe ministri i Shëndetësisë, Matt Hancock janë infektuar me sëmundjen vdekjeprurëse të koronavirusit.
Por jo vetëm kaq, pasi mediat e huaja, bëjnë me dije se simptoma të virusit janë shfaqur edhe tek shefi i kabinetit Michael Gove, ndërkohë ky i fundit ka thënë se nuk ka rëndësi posti në këtë luftë.
Në këtë mënyrë tre njerëzit më të pushtetshëm që drejtojnë Britaninë, po bien.
Mediat e huaja shtojnë më tej se ata nuk kanë qenë të kujdesshëm në këtë periudhë, ndërsa kanë nisur komentet ironike për pushtetarët duke thënë se ata jepnin këshilla për të tjerët ndërkohë që nuk i kanë zbatuar vetë.
Partnerja shtatzënë e Kryeministrit Johnson, Carrie Symonds, besohet të jetë në vetë-izolim, edhe pse nuk dihet kur janë parë për herë të fundit me njëri-tjetrin, ose nëse ajo është testuar.
Downing Street ka njoftuar se nëse kryeministri nuk do të jetë në gjendje të mirë shëndetësore, do të “zëvendësohet” nga Sekretari i Jashtëm, Dominic Raab.
g.kosovari
