Ligji për shpronësimet do të ndryshojë, por nuk do të prekë skemën e dëmshpërblimit të pasurive private që merren për interes publik. Sipas draftit të Ministria e Infrastrukturës dhe Energjisëi ka dërguar në Këshillit Ministrave, i hapet rrugë ngritjes së Agjencisë së Shpronësimeve, e cila do të përgatisë dokumentacionin e nevojshëm për shpronësim.
Vendimi më pas do t’i paraqitet ministrit, për ta kaluar më pas për miratim në Këshillin e Ministrave.
Përmes kësaj strukture të re, synohet që eliminohet zinxhiri institucional me të cilin përplaseshin qytetarët në momentin që u bëhej shpronësimi.
Detyrimi që shteti u ka qytetarëve për marrjen e pronave për interes publik kalon vlerën e 50 milionë eurove. Pjesa më e madhe e borxhit është krijuar për shkak të hallkave të shumta institucionale të cilat duhet të bëjnë matjet dhe vlerësimet e pronëss, ndërkohë që ngritja e kësaj njësie, i përqendron kompetencat për vlerësimin vetëm te një institucion.
