Qeveria e Kosovës është zotuar për vazhdimin e hapave të tjerë që çojnë në funksionalizimin e Asociacionit të komunave me shumicë serbe, raporton KohaVision. Pavarësisht se nuk kanë afat të saktë kur do ta kenë gati statutin e Asociacionit, që me Marrëveshjen për parimet është dashur ta dorëzojnë sot, besojnë që brenda 6 muajve të ardhshëm. Konfirmimin për këtë e ka bërë për KTV-në zëvendësministri i Pushtetit Lokal, Bajram Gecaj, ministri kjo që është e përfshirë në punën për Asociacionin. Sipas tij, aktgjykimi i Kushtetueses u ka ndihmuar në procesin e mëtutjeshëm të negociatave, sidomos në hartim të statutit dhe këtë e ka quajtur fitore të delegacionit të Kosovës, përcjell koha.net. Ai ka folur edhe për dorëheqjen që po ua kërkon opozita. Gecaj ka shtuar se ofertat për bashkëpunim rreth statutit.
Por sipas opozitës, pas vendimit të Kushtetueses, më nuk ka vend që e njëjta Qeveri që e ka shkelur Kushtetutën, ta vazhdojë këtë proces.
