Këshilli i Ministrave ka miratuar sot një sërë vendimesh të rëndësishme.
Kështu, qeveria vendosi sot, kalimin në përgjegjësi administrimi, nga Ministria e Arsimit dhe Sportit tek Agjencia e Ofrimit të Shërbimeve Publike të Integruara (ADISA), të mjediseve të katit të parë të ndërtesës me emërtimin “Shtëpia e Ushtarakëve”, Gjirokastër, me sipërfaqe 412 (katërqind e dymbëdhjetë) m², për t’u përdorur si mjedise pune.
Qeveria vendosi edhe shpronësimin, për interes publik, të pronarit të pasurive të paluajtshme, pronë private, që preket nga realizimi i projektit “Sistemim asfaltim rrugë e sheshe, blloqet e banimit Sheja, tregu i qytetit, Shkumbini dhe Ushtaraku”, Librazhd.
Qeveria vendosi gjithashtu shpronësimin, për interes publik, të pronarëve të pasurive të paluajtshme, pronë private, që preken nga realizimi i projektit “Ansambli i Rilindjes Urbane, Belsh”.
Qeveria vendosi edhe shpronësimin, për interes publik, të pronarëve të pasurive të paluajtshme, pronë private, që preken nga ndërtimi i segmentit rrugor “By-pass Vlorë (objekte)”.
Qeveria vendosi shpronësimin, për interes publik, të pronarëve të pasurive të paluajtshme, pronë private, që preken nga ndërtimi i segmentit rrugor “Tiranë – Elbasan (rrëshqitja në fshatin Ibë)”
Qeveria mori sot vendim edhe për shpërblimin e pronarëve të pasurive të paluajtshme, pronë private, për sipërfaqet takuese që preken nga ndërtimet informale.
Këshilli i Ministrave vendosi edhe miratimin e rregullave dhe të procedurave për krijimin e sistemit të gjurmimit dhe të identifikimit të lëndëve plasëse për përdorim civil.
Qeveria vendosi gjithashtu kalimin në pronësi, nga Ministria e Mbrojtjes te Bashkia Tiranë, për Njësinë Administrative Përbërëse Farkë, Tiranë, të sipërfaqes truall funksional (S3), prej 2 187 (dymijë e njëqind e tetëdhjetë e shtatë) m², nga trualli funksional i pronës nr.186, me emërtim “Reparti ushtarak nr.3042, Qendër Stërvitore”, në Sauk, Tiranë, për ta përdorur për nevoja urbanistike, për ndërtimin e rrugës publike “Stërmas-Picallë-Reparti ushtarak-Sauk-Garunjë-TEG”. /
