Qeveria ka miratuar një tender prej rreth 140 milionë lekësh për blerjen e automjeteve për institucionet.
Vendimi është marrë dje në mbledhjen e Këshillit të Ministrave, ku tenderi i hapur nga Ministria e Brendshme parashikon dhënien e 140 milionë lekëve për këtë shpenzim. Kjo pasi autoriteti i vetëm që ka të drejtë të blejë automjete për të gjitha institucionet është Ministria e Brendshme.
Në tenderin e MPB parashikohet blerja e 73 motoçikletave, me një fond prej 103.9 milionë lekësh. Në specifikimet për motorët e policisë, bien në sy kriteret ku parashikohet që ato të kenë shpejtësi nën 160 kilometra/orë si pajisjen me zinxhirë nga kamion në rrotën e pasme.
Sa u përket automjeteve për institucione të tjera, që nuk varen nga MPB-ja, është parashikuar blerja e një fuoristrade me vlerë 45 milionë lekë për Autoritetin e Kontrollit Shtetëror të Eksporteve. Po ashtu pjesë e tenderit është edhe blerja e automjeteve për Agjencinë për Zhvillim Bujqësor dhe Rural. Kjo Agjenci ka një fond limit prej dy fuoristradash dhe ai është në nvielin prej 58 mln lekës.
Edhe Ministria e Kulturës kërkon blerjen e 6 fuoristradave “Pick Up” me vlerën 130 milionë lekë. E fundit në renditjen e loteve të këtij tenderi është një automjet për Akademinë e Shkencave dhe fondi në dispozicion për këtë blerje është 12.5 milionë lekë.
