Raporti i Qeverisë përmban të dhënën se 2015-a është mbyllur me deficit buxhetor dukshëm nën rregullën fiskale prej 2 për qind të bruto prodhimit vendor, shkruan “Koha Ditore”.
Deficiti buxhetor ka qenë 1.3 për qind e GDP-së, ndërkaq bilanci bankar i Qeverisë ka qenë dukshëm më i lartë se në vitin paraprak. E dhëna është prezantuar në Raportin vjetor financiar për vitin 2015, të cilin e ka aprovuar Qeveria të mërkurën.
Kryeministri, Isa Mustafa, ka vlerësuar lart raportin, për të cilin ka thënë se flet për stabilitet buxhetor dhe për performancë të shkëlqyeshme të buxhetit edhe në pjesën e të hyrave, edhe në pjesën e shpenzimeve, por edhe për kursime.
