Anëtari i kabinetit dhe këshilltari i kryeministrit Ramush Haradinaj, Avni Arifi, ka mohuar lajmet se Stadiumi Olimpik do të zhvendoset nga Bërnica e Poshtme në komunë e Drenasit.
“Stadiumi Olimpik ndërtohet aty ku ishte planifikuar.
Pra në Bërnicë të Poshtme. Është gënjeshtër e kulluar ideja e zhvendosjes së tij në Drenas”, ka shkruar ai në Facebook.
Kurse, kryetari i Kuvendit të Kosovës, Kadri Veseli, i cili ka marrë pjesë në konferencën e tetë të kryetarëve të parlamenteve të shteteve të Ballkanit Perëndimor, e cila i ka zhvilluar punimet në Budapest të Hungarisë, ka thënë se Hungaria është përkrahëse e madhe e Kosovës dhe se ajo është e gatshme t’i japë përkrahje financiare Kosovës për disa projekte, ndër të cilët dhe për ndërtimin e stadiumit olimpik që do të ndërtohet në Drenas, përgatiti Zëri. (b.an)
