Nga dita e sotme do të nisë vaksinimi i gazetarëve dhe operatorëve të terrenit. Ndërsa nesë pritet të nisë procesi edh për efektivët e Policisë së Shtetit.
Lajmi u konfirmua nga kryeministri Edi Rama dhe ministrja e Shëndetësisë Ogerta Manastirliu.
Pritet që target grupeve të mësipërme t’u injektohet doza e parë Sinovac për të qenë më të mbrojtur ndaj Covid-19.
“Në Berat në qendrën e vaksinimit masiv kemi filluar me gjyshet dhe gjyshërit. Në total janë vaksinuar më shumë se 3000. Sot mbërrijmë në shifrën e 100 mijë vaksinave vetëm në grupmoshën e mbi 70-vjeçarëve. Nga nesër përgatitemi të vaksinojmë policinë dhe gazetarët.
Nesër fillojmë vaksinimin e punonjësve të policisë. Vazhdojmë ne Tiranën dhe shtrihemi në të gjithë Shqipërinë. Ne po nisim planin e vaksinimit të kombinuar. Nga nesër me policët dhe sot në drekë me gazetarët dhe operatorët e terrenit”, tha Manastirliu.
