“Do të ketë pasoja” nëse refuzohet Gjykata Speciale. Një zyrtar i Qeverisë gjermane, në Berlin, është shprehur për median gjermane se duhet pasur kujdes, pasi nëse nuk votohet projektligji për krijimin e Gjykatës Speciale do të mund të pasohet me ndërprerjen apo ngrirjen e procesit të integrimeve evropiane.
“Procesi i nënshkrimit të Marrëveshjes për Stabilizim- Asociim mes BE-së dhe Kosovës drejtpërdrejt nuk lidhet me krijimin e Gjykatës Speciale”, tha zyrtari gjerman.
Megjithatë, nëse Kosova dështon të krijojë Gjykatën Speciale, ai theksoi se edhe procesi i MSA-së për Kosovën do të vuajë, sikur edhe procesi i heqjes së mundshme të vizave për shtetasit e Kosovës në zonën Schengen. “Do të ketë pasoja”, tha ai, duke theksuar se këtë gjë e dinë liderët e Kosovës.
