Kreu i qeverisë solli shembullin e vdekjes se nje personi diten qe termeti i forte goditi vendin tone ne 26 nentor pas lajmit se spitali i Durresit po shembet.
“Në 26 nëntor ka vdekur një njeriu i pafajshëm si rezultat i lajmeve, ka humbur jetën një baba e janë plagosur dhjetra njerëz se dikush nga ata atje ka nxjerrë lajmin se spitali i Durrësit po shembet e dalja e atij lajmi e ka kthyer spitalin e Durrësit në udhëkryeqin e një kaosi, me mjekë infermierë e të sëmurë që donin të dilnin sa më parë nga dera e spitalit”, tha Rama.
Kryeministri kujtoi se edhe familja e tij ka rënë pre e shpifjeve.
“Nuk po ju flas për familjen time, as për vajzën time, as për nënën time, as për djalin tim, as për prindërit e Bushatit, as për familjarët e Taulant Ballës, por për ata që nuk kanë një mikron për të thënë të vërtetën”, tha Rama.
Rama deklaroi se gazetarët që po protetojnë para Kuvendit publikuan lajmin se qeveria fshihte 100 të vdekur në morgun e spitalit.
“Ata që janë jashtë, nxorën lajmin se qeveria fshihte 100 të vdekur në morgun e spitalit, duke krijuar situatë kaotike atje, me familjarë që kishin humbur kontaktet me anëtarë të familjes që ishin shëndoshë e mirë e që u turrën te morgu. Nuk po ju flas as për veten time, familjen time, nënë time, vajzën tonë, djalin tim, as për prindërit e Ditmir Bushatit, e familjarët e atyre që janë këtu e andej, familjarët e Ballës, e të askujt tjetër mes nesh po flas për ata që ndryshe nga ne nuk e kanë një mikrofon për të thënë të vërtetën e tyre, nuk e kanë FB live me 1 mln ndjekës sic e kam unë për të treguar që ca bëj, nuk i kanë kushtet tona”, tha Rama.
g.kosovari
