Gjatë ditës së sotme, disa media publikuan lajmin se “Qeveria shqiptare i ka dhënë statusin e investitorit strategjik për ndërtimin e një hoteli dhe shfrytëzimin e një zone bregdetare në Himarë, një kompanie në pronësi të bashkëshortit të ministres së Jashtme, Olta Xhaçka dhe ish-deputetit socialist, Artan Gaçi”.
Sipas mediave që e publikuan lajmin, shpallja si investitor strategjik i bashkëshortit të Ministres ngre shqetësime për konflikt interesi, por si qëndron në fakt e vërteta e kësaj procedure?
Së pari duhet sqaruar se statusi i investitorit strategjik nuk është as pronë publike dhe as ndonjë favor që qeveria i bën individëve të caktuar, por një e drejtë ligjore që qeveria ka detyrën t’ia njohë çdo investitori që plotëson kriteret ligjore për ta marrë.
Së dyti, në legjislacionin shqiptar nuk ka ndonjë ligj që ndalon bashkëshortin e Ministres së Jashtme, në këtë rast një person që gjatë gjithë jetës ka punuar në sektorin privat, të bëjë biznes në një pronë private. Për më tepër, ky status nuk jepet as nga Ministria e Jashtme.
Të drejtën për të përdorur plazhin përpara hotelit, përkundrejt pagesës që përcakton ligji, e ka çdo ndërtues në çdo cep të Republikës së Shqipërisë. Për më tepër, në këtë rast, shoqëria përfituese nuk është në pronësi të bashkëshortit të ministres, por një shoqëri e cila ka marrë në menaxhim pronën të cilën e ka zhvilluar zoti Gaçi.
Kështu, bëhet fjalë për një proces brenda kornizave të legjislacionit shqiptar që i njihet dhe i takon çdo biznesmeni të sipërmarrjes së lirë në vendin tonë.
/Lexo.al/
Qeveria e edvin karapushtit eshte nji qeveri bananesh,asnji ligje nuke ka funksionuar e nuk funksionon e vendin tone.Edvini eshte i interesuar per drograt,parat e pista e pastrimi i tyre,ca lesh ligjesh zbatohen me edvinin.parave.