Për më shumë se 100 mijë makina do te fshihen detyrimet e prapambetura në vite. Në total, vlera e gjobave, taksave dhe kamatave që do të falen nga ligji i ri që pritet të miratohet në kuvend arrin në 10 milion euro.
“Bëhet fjalë për 100 mijë mjete… të paktën si të thuash janë jashtë qarkullimit dhe do të bëhen vetëm formalitetet që këta persona të mos jenë më debitorë”- tha Nikolin Berxhiu, përfaqësuesi i Ministrisë së Transporteve.
Por kush do të përfitojë nga falja? Të gjithë automjetet të cilat që prej vitit 2011-të e në vijim, nuk kanë bërë asnjë veprim do të fshihen nga sistemi pa paguar asnjë detyrim. Nëse kërkohet riaktivizimi i targës, atëherë taksat që paguhen janë për vitin 2011-të deri në 2016-ën.
“Do të c’regjistrohen ato automjete që nuk kanë bërë veprime nga 2011… bëhet fjalë për vetëm këto automjete”.- tha Berxhiu.
Me një ndryshim të fundit në draft, ministria e Financave ka vendosur që të falë gjobat vetëm për 2012-ën,2013 dhe 2014-të. (tabele) Për dy vitet e fundit taksat paguhen bashkë me kamatat.klan/a.k
