Policia izraelite mori sërish në pyetje ditën e sotme, Benjamin Netanyahu, një seancë që zgjati disa orë në lidhje me fakte të dyshuara për korrupsion, që po e vënë kryeministrin nën një presion të vazhdueshëm, raportuan mediat.
Është hera e tretë që Netanyahu i përgjigjet pyetjeve të forcave të policisë të një njësie të specializuar, thanë mediat. Policia, si herët e mëparshme mjaft e rezervuar për t’a konfirmuar një fakt të tillë.
Netanyahu është bërë objekt prej fundit të 2016 në dy procese hetimore. Njëri për dhuratat luksoze që familja e tij dhe ai janë të dyshuar se kanë pranuar nga ana e disa biznesmenëve, procesi tjetër se është përpjekur për të negociuar një mbulim mediatik më të favorshëm me kreun e së përditshmes kombëtare më të paguar. Ai përgënjeshtron çdo formë mashtrimi.
Sipas mediave, Netanyahu ka marrë për shtatë apo tetë vite kuti me cigare puro nga ana e Arnon Milchan, biznesmen izraelit, financues në botën e Hollivudit dhe mik i kryeministrit. Vlera e përgjithshme e cigareve puro shkon deri në dhjetëra mijëra dollarë./b.d
