Deputeti demokrat Flamur Noka deklaroi para mediave se shumë shpejt mazhoranca do të përballet me një revolucion popullor.
Ish-ministri i Brendshëm tha se opozita do të përdorë çdo mjet për rrëzimin e qeverisë.
“Teksa shohim këtë mazhorancë e cila përpiqet t’iu paraqesë një pr.buxhet shqiptarëve është e dhimbshme sepse sot jo mazhoranca e qeveria po paraqet buxhet, por po paraqet buxhet qeveria e bandave, e krimit dhe drogës. Sot kjo qeveri ka rënë moralisht, ajo mund të rrijë në këmbë edhe pak ditë” – tha Noka ndër të tjera.
Sipas deputetit të PD, “qeveria nuk ka patentë ta drejtojë Shqipërinë”. Deklaratat e Nokës erdhën jashtë dyerve të Komisionit të Sigurisë, ku diskutohej buxheti për SHISH. /JavaNews/b.d
