Vizita e shefit të ushtrisë serbe në Kosovë, Ljubisha Dikoviç, ndaj të cilit ka akuza për krime gjatë luftës së vitit 1999, ka zënë në befasi Qeverinë e Kosovës, shkruan Koha Ditore.
Kryeministri Isa Mustafa ka thënë se marrëveshja e fundit bie në domenin e përgjegjësisë së KFOR-it dhe ushtrisë serbe, derisa ka shtuar se nuk parapëlqejnë ta shohin Dikoviçin në Prishtinë. Por ministri i Punëve të Brendshme, Skënder Hyseni, ka kërkuar sqarime nga komandanti i KFOR-it, Guglielmo Luigi Miglietta, duke i thënë atij se vizitat e ushtarakëve që akuzohen për krime lufte nuk i kontribuojnë rendit dhe sigurisë së përgjithshme.