Qeveria e Kosovës, Basha i jep leksione kryeministrit të ri: Ja ku duhet të fokusohesh për të mirën e të gjithëve

Kreu i Partisë Demokratike, Lulzim Basha ka uruar qeverinë e re të Kosovës e drejtuar nga Abdullah Hoti, e cila u miratua sot nga Parlamenti vendas.

Nëpërmjet një reagimi në facebook, teksa ka rikujtuar sfidat që janë jetike për paqen dhe proceset integruese të krejt rajonit tonë, Basha ka shprehur mbështetjen për qeverinë kosovare.

Ai i rendit Hotit edhe disa pika ku duhet të fokusohet.

“Konsolidimi i shtetit, integrimi euroatlantik, mbrojtja e integritetit dhe sovranitetit të Kosovës, janë sfidat, përballimi me sukses i të cilave janë në interes jo vetëm të Kosovës e popullit të saj, por jetike për paqen dhe proceset integruese të krejt rajonit tonë.

I uroj punë të mbarë qeverisë së re të Kosovës dhe kryeministrit Hoti në plotësimin me sukses të objektivave strategjikë të Kosovës dhe shërbimin ndaj interesit më të mirë të qytetarëve të saj. 

Partia Demokratike e Shqipërisë sot në opozitë dhe nesër në qeverisjen e vendit do të jetë përherë në krah të Kosovës, në krah të qytetarëve të saj, me bindjen e palëkundur se suksesi i Kosovës është sukses i interesit kombëtar të gjithë shqiptarëve”, shkruan Basha.

/a.r