Ish-kryetari i LSI, Petrit Vasili ka sulmuar sërish kryeministrin Rama.
Përmes një statusi në facebook, Vasili thotë se vendi është pa qeverisje dhe pa qeveri, ndërkohë që situata nga zjarret dhe viktimat në plazhet tona është alarmante.
Madje ish kreu i LSI bën dhe ironi me Ramën, teksa thotë se duhet të dalë dikush t’ia shpjegojë se Kushtetuta nuk e njeh facebookun si qeveri.
Por duket paradoksale pasi vet Vasili po bën opozitën në facebook…
Statusi:
“Shqipëria pa qeverisje dhe pa qeveri.
Megjithë katastrofën e zjarreve në gjithë Shqipërinë, mbytjet që vazhdojnë në plazhet tona- ku edhe dje në Vlorë pati një tjetër rast fatkeq e ku kurrkush nuk e ndihmoi, mungesën e energjisë elektrike dhe ujit të pijshëm si ankth i përditshem i mijëra pushuesve, në asnjë rast nuk pamë as qeveri e as qeverisje që të mblidhej, të vendoste, të zgjidhte dhe t’u printe punëve në këto ditë halli.
Dikush duhet t’i shpjegoje këtij kryeministri që e ka detyrë kushtetuese të mbledhë qeverinë e këtij vendi, sepse kushtetuta nuk e njeh facebookun e tij veror si qeveri.
Qeveria e këtij vendi, kushdo qoftë ajo, ka përgjegjësi dhe detyra të patejkalueshme dhe ajo duhet të mblidhet dhe t’i ushtrojë ato, pasi parlamenti atë ka votuar dhe përgjegjësi pa zot nuk ka.
Sigurisht, ky kryeministër shkollëpak që kemi nuk ia thotë hiç nga kushtetuta, pasi kushtetutë ka dënglat ne erë dhe hallin që nuk ta zgjidh, por ta lë na derë”, shkruan Vasili në rrjetin social.
