Kryemafiozit turk, Sedat Peker, i cili kohët e fundit ka tronditur qeverinë turke me deklaratat rreth përfshirjes në krim të organizuar dhe korrupsion të anëtarëve të kabinetit qeveritar të presidentit Recep Tayyip Erdogan, i janë bllokuar të gjitha llogaritë në rrjetet sociale.
Përmes videove të publikuara, Peker pretendonte se njerëzit e afërt të presidentit turk kanë kryer krime, ndërsa shtonte se disa anëtarë të partisë së Erdoganit kanë vrarë edhe njerëz të pafajshëm.
Pas këtyre deklaratave, qeveria turke ka marrë masa, duke i bllokuar të gjitha llogaritë në Tëitter, Instagram dhe YouTube për në territorin e Turqisë.
Akademiku për të drejtat kibernetike, Yaman Akdeniz, njoftoi se kanali YouTube, llogaritë në Tëitter dhe Instagram të Peker, janë bllokuar.
“Hyrja në kanalin YouTube të Sedat Peker dhe disa nga videot e tij, si dhe llogaritë e tij në Twitter dhe Instagram, është bllokuar për arsye të sigurisë kombëtare dhe mbrojtjes së rendit publik.”
/a.r
