Qeveria forcon masat e sigurisë për mbrojtjen e anëtarëve dhe institucioneve të vetting-ut. Në mbledhjen e sotme të qeverisë është marrë vendimi që e gjithë trupa e anëtarëve të komisionit të rivlerësimit të gjyqtarëve dhe prokurorëve, vendas dhe të huaj, do të kalojnë në sigurinë e Gardës së Republikës. Po kështu qeveria ka vendosur që në të njëjtin regjim sigurie do të kalojnë dhe institucionet ku do të zhvillojnë aktivitetin anëtarët e vetting-ut. Forcimi i masave të sigurisë ka të bëjë me punën e vështirë dhe delikate të komisionit të vetting-ut. Nën ruajtjen e Gardës kalon dhe Inspektori i Përgjithshëm i Inspektoriatit të Deklarimit dhe Kontrollit të Pasurisë.
Vendimi
VKM
PËR RUAJTJEN DHE MBROJTJEN E ANËTARËVE TË INSTITUCIONEVE TË RIVLERËSIMIT KALIMTAR TË GJYQTARËVE DHE PROKURORËVE, TË PERSONELIT VENDAS DHE NDËRKOMBËTAR, TË OBJEKTEVE KU USHTROJNË VEPRIMTARINË, SI DHE INSPEKTORIT TË PËRGJITHSHËM TË INSPEKTORATIT TË LARTË TË DEKLARIMIT DHE KONTROLLIT TË PASURIVE DHE KONFLIKTIT TË INTERESAVE, NGA GARDA E REPUBLIKËS SË SHQIPËRISË
ma.me/javanews.al
