Qeveria 50 mijë € ndihma Tetovës pas përmbytjeve
Një fond prej 50 mijë euro për Tetovën e përfshirë nga përmbytjet ka dhënë qeveria shqiptare për t’i ardhur në ndihmë të prekurve nga kjo tragjedi ku humbën jetën 5 persona ndërsa 1 fëmijë rezulton i humbur.
Lajmi është bërë i ditur nga ministri i Punëve të Jashtme Ditmir Bushati përmes një postimi në rrjetin social Facebook.
“Solidarizim dhe përkrahje vëllazërore për Tetovën. Sot miratuam fondin prej 50.000 euro në ndihmë të përballimit të situatës emergjente në Tetovë”, shkruan Bushati i cili ka postuar ne Facebook edhe foto nga takimet e ambasadorit Reka me te prekurit nga permbytjet ne Tetove.
