Kryeministri Edi Rama e ka cilësuar një eksperiment të dështuar kërkesën e Partisë Demokratike për një qeveri teknike të krijuar për menaxhimin e zgjedhjeve.
Sipas tij, në 2017, opozita mori gjithçka deshi, por sipas tij, nuk lehtësoi dhimbjen e humbjes.
“Qeveria teknike është një eksperiment i dështuar. Nga kjo pikëpamje morën çfarë kërkuan. U kam thënë merrini të gjitha, por nuk merrni dot drejtimin e qeverisë. Ju mund ti merrni të gjitha, gjithë ministrisë, drejtoritë. Të gjitha. Morën çfarë deshën. Ministrinë e Brendshme, Ministrinë e Drejtësisë, Ministrinë e Financave. Pse duhet të përsërisim një gjë që është bërë dhe nuk ka dhënë rezultat në lehtësimin e dhimbjes së humbjes dhe duhet të japë tani? Qeveria fitohet me zgjedhje”, tha Kryeministri gjatë një interviste në emisionin “Opinion”.
g.kosovari
