Një qeveri të vogël. Edi Rama në një tavolinë me 10 ministra.
Kjo është skema më e fundit organizative që del nga zyrat e qeverisë, nga një grup pune që po punon për ristrukturimin e kabinetit. Sipas burimeve të newsbomb.al, duket se kjo është vetëm një platformë paraprake por kryeministri ka kërkuar që të shkurtojë sa më shumë numrin e kabinetit që do të drejtojë.
Kështu, nga telefonatat që bënte me 20 ministra, ai do të ketë në celularin e tij vetëm 10 numra telefoni të ministrave që do të jenë në kabinet.
Pritet që skema e re organizative e qeverisë të hajë debat, sepse do të duhet ndryshimi i një varg ligjeve dhe kushtetutës për shkak të skemës së re. Adaptimi në cdo rast i legjislacionit, nëse do të pranohet ky variant do të shkaktojë më shumë punë për parlamentin dhe kryetarin e ri të saj që sipas gjithë deklaratave të deritanishme, do të jetë Gramoz Ruci.
E megjithatë, pritet të krijohen megaministritë, për të cilat, që tani është menduar nga një emër. Edi Rama ka vendosur të mbajë edhe një zëvendëskryeministër.
Ja si mendohet skema e re e qeverisë:
Kryeministri
Zv/kryeministri
Ministria e Jashtme dhe Integrimit
Ministria e Mbrojtjes
Ministria e Drejtësisë
Ministria e Brendshme dhe decentralizimit
Ministria e Bujqësisë dhe Mjedisit
Ministria e Energjetikës
Ministria e Financave, ekonomisë dhe turizmit
Ministria e Arsimit, Kulturës dhe Sporteve
Ministria e Transporteve, Zhvillimit urban dhe Inovacionit
Ministria e Shëndetësisë
