Policia e Durrësit ka goditur një grup që përpunonte dhe ambalazhonte marjuanë në banesë, me qëllim tregtimi.
Pas një operacioni ditën e djeshme, policia ka sekuestruar 2.2 kg Marjuanë dhe boçe Cannabis Sattiva, si dhe ka arrestuar në flagrancë tre persona.
Blutë e Durrësit bëjnë me dije se të arrestuarit janë Hermes Kalemi 22 vjeç, banues në Plazh, Durrës; Saimir Sula 24 vjeç, banues në Plazh, Durrës dhe Enriko Driza 20 vjeç, banues në Plazh, Durrës.
Mësohet se ata, në bashkëpunim me njëri-tjetrin, në lagjen Nr. 13 , Durrës kishin marrë me qira një banesë, ku edhe ushtronin aktivitetin kriminal, – transmeton Express.
Në banesë përpunonin dhe ambalazhonin lëndë narkotike me qëllim të tregtimin e saj, kundrejt pagesës prej 1 000 lekë të reja / një qese e ambalazhuar.
Gjatë kontrollit të ushtruar në banesën e mësipërme, Specialistët për Narkotikët gjetën dhe sekuestruan në cilësinë e provave materiale:
• dy pako të mbështjella me qese plasmasi, me peshë rreth 2.2 kg të mbushura më lëndë narkotike e dyshuar e llojit Marjuanë.
• disa qese të mbushura me lëndë narkotike e dyshuar e llojit Marjuanë, gati për t’u hedhur në treg, dhe
• 206 qese boshe, që shërbenin për ambalazhimin e lëndës narkotike.
Gjithashtu gjatë kontrollit të ushtruar në banesën e Hernes Kalemi u gjetën dhe sekuestruan në cilësinë e provës materiale lëndë narkotike në formë “boçe” e dyshuar e llojit Cannabis Sativa.
Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale “Prodhimi dhe shitja e narkotikëve”. /b.d
