Kryeministri Edi Rama ka vizituar Pediatrinë e re të Tiranës në Qendrën Qendra Spitalore Universitare “Nënë Tereza”.
Rama theksoi se nga pikëpamja e standardeve është njësoj si Spitali Memorial Rajonal i Fierit që u ndërtua nga Turqia dhe u inaugurua dje.
“Qenka për ‘uau’, nga standardet është si spitali i Fierit. Spitalet do administrohen nga vetë sistemi autonom. Në sistemin turk ka qenë një problem shumë i madh para se të hynte sistemi i ri”, tha Rama ndër të tjera.
Ky investim sipas Ramës është një ëndërr e brezave të tërë.
“Qendra Spitalore Universitare “Nënë Tereza” – Gati Pediatria e Re e Tiranës. Një ëndërr e brezave të tërë mjekësh, një investim i shumëpritur për kryeqytetin”, shtoi Rama.
Sipas tij Pediatria e Re e Tiranës është më bindëse për ata që e quajtën spitalin e ri të Fierit stallë pasi ishte vetëm me një kat./ b.h
