Ministrja e Shëndetësisë dhe Mbrojtjes Sociale, Ogerta Manastirliu ka inspektuar nga afër qendrat shëndetësore në Dhërmi dhe Jalë, për të parë funksionimin e tyre gjatë fundjavës, kur fluksi i pushuesve është më i lartë.
Përveç shërbimit 24 orë në qendrat shëndetësore verore, janë vendosur autoambulanca fikse për t’ju përgjigjur në kohë pushuesve që kanë nevojë për kujdes shëndetësore. Këtë sezon turistik, ministria ka hapur 26 qendra shëndetësore verore në zonat turistike bregdetare dhe ato malore. Gjithashtu janë vendosur 17 autoambulanca në zonat më të frekuentuara turistike.
Spitalet pranë këtyre zonave funksionojnë me shërbim të përforcuar si dhe shërbimi i helikopterëve është në dispozicion të emergjencave. Deri më tani qendrat shëndetësore verore në zonat turistike kanë ofruar shërbime mjekësore për 8860 pushues deri tani, ndërsa shërbimi autoambulancave ka ofruar ndihmën e shpejtë për 233 qytetarë.
a.ç
