Qëlloi me gur autobusin e serbëve, prokuroria: 3 akuzat pse duam ‘arrest me burg’
Prokuroria e Tiranës kërkon “arrest me burg” ndaj të riut që qëlloi me gur autobusin e kombëtares serbe, teksa kalonte te “Zogu i Zi”, nga Rinasi para akomodimit për në hotel.
Sipas organit të akuzës i riu, M.Qeleshi, 18-vjeçar duhet të përgjigjet para drejtësisë për tre vepra penale. Në dosjen e prokurorisë, ai akuzohet për “Shkatërrim prone”, “Prishje të qetësisë publike” dhe “Dhunë ndaj të mbrojturve ndërkombëtarisht”.
Dosja i është dërguar gjykatës, e cila pritet të zhvilloje nesër seancën për caktimin e masës së sigurisë në ngarkim të tij.
