Një 61-vjeçar në Tiranë ka rënë në prangat e policisë, pasi ka qëlluar me armë zjarri në ajër për të kanosur vëllanë e tij.
Sipas asaj që bën të ditur policia, në pranga ka rënë edhe vëllai i 61-vjeçar pasi ka dhunuar 61-vjeçarin.
Ndërkohë në banesën e 61-vjeçarit është gjetur dhe sekuestruar arma e zjarrit kallashnikov, municion luftarak dhe 1 mjet prerës (sëpatë).
“Shërbimet e Komisariatit të Policisë Nr. 5, sapo janë njoftuar për një konflikt mes 2 vëllezërve në Paskuqan, kanë organizuar punën dhe kanë shkuar në vendngjarje, për të nxjerrë autorët para përgjegjësisë penale dhe për të sqaruar rrethanat e rastit.
Si rezultat i ndërhyrjes së menjëhershme, shërbimet e Policisë kanë neutralizuar të dy shtetasit e përfshirë në konflikt, konkretisht M. M., 61 vjeç (me precedent për kundërshtim të punonjësit të Policisë) dhe A. M., 63 vjeç, vëllezër, të cilët në përfundim të veprimeve procedurale u arrestuan në flagrancë.Nga veprimet hetimore të kryera dyshohet se shtetasi M. M. qëlloi me armë zjarri kallashnikov, në ajër, për të kanosur shtetasin A. M., i cili i kishte dhunuar vajzën”, njofton ndër të tjera policia.
Materialet procedurale iu referuan Prokurorisë së Tiranës, për veprime të mëtejshme.
