Një tentativë vrasjeje ka ndodhur para 3 ditësh në Tiranë.
Gazetari i Report Tv Sokol Dema bën me dije se 27 vjeçari Ronaldo Gurabardhi në Tiranë është arrestuar nga policia pasi para 3 ditësh ka qëlluar me armë drejt shtëpisë së Artur Korteshit.
Ai ishte shpallur në kërkim për veprat penale “Vrasje” e mbetur në tentativë “Armëmbajtja pa leje” dhe “Prishja e qetësisë publike”.
“Nga specialistët për Hetimin e Krimit në Komisariatin e Policisë Nr.6 u bë kapja dhe ndalimi i shtetasit R. G., 27 vjeç, i shpallur në kërkim për veprat penale “Vrasje” e mbetur në tentativë “Armëmbajtja pa leje” dhe “Prishja e qetësisë publike” pasi me datë 20.03.2021, në rrugën “Shaban Bardhoshi” ka qëlluar me armë zjarri në drejtim të baneses së shtetasit A. K”, thotë policia.
Ende nuk bëhen me dije detaje të tjera lidhur me këtë ngjarje.
g.kosovari
