6 muaj pas ndodhisë, efektivët e policisë së shtetit në Fushë Krujë kanë bërë të mundur arrestimin e Rudolf Dobrozit.
Në shkurt të këtij viti 29 vjeçari ishte konfliktuar me kushëririn e tij dhe pas disa gotave alkool, kishte shkuar në shtëpinë e Dritan Dobrozit, për të qëlluar një karikator me kallashnikov.
NGJARJA
Dobrozi ishte shpallur në kërkim pasi në datën 28 shkurt 2016, rreth orës 01:40 , në fshatin Bilaj, Fushë-Krujë, në ambientet e një lokali, pasi ka konsumuar pije alkoolike është konfliktuar për motive pronësie me kushëririn e tij, shtetasin Dritan Bodrozi, 43 vjeç.
Më pas Dobrozi, kishte marrë një armë zjarri automatik dhe ka qëlluar në drejtim të banesës së shtetasit Dritan Dobrozi.
Fatmirësisht nga ngjarja nuk ka pasur persona të dëmtuar. Gjatë këqyrjes së vendit të ngjarjes janë sekuestruar në cilësinë e provave materiale 2 gëzhonja dhe një predhë e paplasur.
Gjykata e Krujës ka caktuar masën e sigurisë “arrest me burg” për veprat penale “vrasje me dashje e mbetur në tentativë” dhe “mbajtje pa leje te armëve luftarake”./java/a.k
