Deputeti socialist Arben Pëllumbi deklaroi në studion e “Ekspres” në RTSH, se qëllimi i takimeve të kryeministrit Edi Rama është për të takuar diasporën shqiptare dhe që të ndihen të përfaqësuar.
“Turi I takimeve të Kryeministri Rama ka startuar nga Athina por nuk është I vetmi, sikurse e ka bërë publike agjendën e tij, do të jenë ketë takime për të takuar strukturat tona në këto vende por dhe më gjerë për të takuar diasporën shqiptare që jetojnë këto shtete” u shpreh ai.
Sipas deputetit Pëllumbi, mesazhi kryesor që Kryeministri dha është që sikurse populli grek dhe shqiptarët bashkëpunojnë me njëri-tjetrin dhe qeveritë duhet të dalin përtej ndasive dhe interesave politike.
“Politika duhet të vëri në tavolinën e zgjidhjes çështje shumë të rëndësishme sikurse është ende ligji i luftës që vazhdon ende pas 84 vitesh që është në fuqi. Unë besoj se na radhë të parë diasporës sonë duhet ti risim besimin në vetvete. Shqipëria nuk është ai vend i dikurshëm që nga këtu ikje sepse të kërcënohej ekzistenca qoftë ekonomike apo jeta. Shqiptarët sot ikin sepse i thith një shtet më i fuqishëm me një ekonomi më të fortë. Pra lëvizin në një jetë më të mirë”.
Për hir të vërtetës theksoi deputeti socialist, ishte një super takim i organizuar shumë mirë, ishe një takim emocionues jo vetëm për ne këtu por besoj se kështu ka qenë dhe për bashkë atdhetarët tanë.
“E gjitha salla ishte mbushur me flamuj kuq e zi dhe një ambient super e elektrizuar. Patjetër ishte një krenare e madhe”.
Deputeti socialist Arben Pëllumbi nënvizoi se, të dy popujt tanë që kanë një histori shumë të lashtë ndajmë së bashku një histori shumë shekullore.
Sipas deputetit socialist Pëllumbi, populli grek është një popull që kemi ndarë shumë halle dhe me një qeveri që kemi një partneritet strategjik, duke qenë bashkë në NATO nuk mund që të kemi ende në fuqi një ligj lufte që për shkak të interesave politike.
“Thirrja për diasporën tonë që kush dëshiron të kthehet dhe të investoj në pronat e tyre, në pronat e të parëve dhe në kushtet kur Shqipëria sot po i kalon 10 milion turistët por dhe për të dhënë eksperiencën e fituar në fusha të ndryshme. Shqipëria ka punë për këto ë ka nevojë që të ketë”.
Duke u ndalur tek garantimi i votës së emigrantëve nga atje ku ata jetojnë, Pëllumbi foli për disa teknikalitete që po diskutohet që mund të mundësoi këtë proces.
“PS është e shprehur qartë dhe ne kemi aprovuar një ligj që vota e diasporës është e garantuar dhe duhet të bëhet. Ne këtë gjë duhet t’ia mundësojmë emigrantëve shqiptar që jetojnë jashtë Shqipërisë. Problemi janë teknikalitetet se si mund të realizohet kjo votë”.
Ndaj tha ai, duhet të gjejmë një zgjidhje të tillë që edhe diasporës t’iu mundësohet ky komoditet për të votuar nga shtëpia ku ata ndodhen por nga krahu tjetër dhe ata që kandidojnë të kenë mundësinë që të njihen me këta votues.
“Ka një mendim që diaspora të votojë në adresën e fundit që ata kanë pasur në Shqipëri. Gjithashtu ka dhe mendime që thonë që të ketë një zonë zgjedhore të tyre”.
/a.r
