Qarku Berat kampion relativ deri më sot për kërkesat e emigrantëve në KQZ

Nga Eduard Zaloshnja

Tek po shkruaj këto rreshta, 8.3% e kërkesave të emigrantëve në KQZ për të votuar janë të Qarkut Berat. Ndërkohë, ky qark ka vetëm 5% në listën e përgjithshme të zgjedhësve (të këtushëm dhe në emigracion). Për krahasim, Qarku Tiranë ka 28% në listën e përgjithshme të zgjedhësve, por vetëm 18.6% të kërkesave nga emigracioni.

Pas Beratit renditet Qarku Korçë.  11.3% e kërkesave për të votuar të emigrantëve janë të Qarkut Korçë. Ndërkohë, ky qark ka vetëm 7.1% në listën e përgjithshme të zgjedhësve (të këtushëm dhe në emigracion).

I treti në renditjen relative është qarku Fier. 15.3% e kërkesave për të votuar të emigrantëve janë të Qarkut Fier. Ndërkohë, ky qark ka vetëm 11.4% në listën e përgjithshme të zgjedhësve (të këtushëm dhe në emigracion).

Në tre vendet e fundit në renditjen relative të kërkesave për të votuar të emigrantëve (krahasuar me madhësinë e listës së përgjithshme të qarkut), janë aktualisht qarqet Tiranë, Shkodër dhe Kukës.