Disa orë më parë, u raportua se prokurori Genc Qama u komandua në krye të Prokurorisë së Tiranës pasi Dritan Rreshka u shkarkua nga vettingu.
Por, situata tashmë ka ndryshuar pasi prokurori Qama nuk e ka pranuar këtë detyrë.
Kryeprokurorja Marku ka gjetur një tjetër emër tashmë. Elisabeta Imeraj ëhstë komanduar në krye të Porkurorisë së Tiranës.
Imeraj aktualisht është prokurore në Porkurorinë e Krimeve të Rënda. Ajo ka hetuar dosjen për ish-ministrin Saimir Tahiri./a.m.
Kush është Elisabeta Imeraj? Prokurorja që hetoi Shullazin, Tahirin e Orest Sotën
Elisabeta Imeraj, prokurorja që ka hetuar çështje të rëndësishme, si dosja Shullazi apo edhe dosja e 9 imamëve të akuzuar për terrorizëm të cilët u dënuan maksimalisht nga drejtësia shqiptare vjen në krye prokurorisë së Tiranës.
Imeraj, nëna e dy fëmijëve, është diplomuar për drejtësi në vitin 2001 në Fakultetin e Drejtësisë e më pas ka përfunduar Shkollën e Magjistraturës në vitin 2004. Imeraj ka nisur punë si prokurore në Prokurorinë e Rrethit Gjyqësor Shkodër në vitin 2004 e më pas është emëruar në prokurorinë pranë Gjykatës për Krimet e Rënda.
Imeraj u bë e njohur për publikun shqiptar në tetorin e 2017-ës, pas nisjes së hetimeve për ish-ministrin Saimir Tahiri. Imeraj debatoi në Këshillin e Mandateve me Tahirin, për të cilin prokurorja Imeraj kërkonte heqjen e imunitetit e për të proceduar me arrestimin e tij.
Në bashkëpunim me prokurorët Valdimir Mara dhe Besim Hajdarmataj, Imeraj ishte pjesë e këtij grupi hetimor. Përveç dosjes Tahiri, Imeraj hetoi edhe çështjen e biznesmenit Orest Sota, i cili u ndalua pasi udhëtonte me 863 mijë euro në makinë, para që sipas prokurorisë nuk justifikoheshin dhe kishin si adresë ish-ministrin Saimir Tahiri.
