Gazetari investigativ Artan Hoxha, ka folur lidhur me videon e publikuar ditën e sotme të kryebashkiakut të Bulqizës, Lefter Alla duke konsumuar kokainë.
Hoxha, i ftuar në emisonin “Opinion”, u shpreh se videon e kishte prej disa muajsh dhe kur e kishte deklaruar se e posedonte ishte kontaktuar nga disa kryetarë bashkish, të cilët pyesnin për veten.
“Prej katër muajsh kisha videon. Unë nuk kishte target grup personazhin por fenomenin. Nuk mund të drejtohemi nga njerëz që nuk kontrollojnë dot veten. Duan të identifikojnë se kush e nxorri videon. Në fillim shumica e kryebashkiakëve kanë çuar ndonjë kalluz për të pyetur se mos ishin ata. Se atëherë unë thashë që kam një video diskredituese. Ky ishte një personazh pa ngarkesë penale dhe kriminale“, tha Hoxha.
Gazetari ka treguar se ka një merak nga i gjithë investigimi i tij.
“Më ka ngelur merak vetëm një gjë; nuk e kam verifikuar dot se çfarë po përdorte për ta thithur kokainën. Nëse ishte ndonjë 200/500 euro apo tub është apostafat për atë punë,”-tha Hoxha.
g.kosovari
