Kremlini ka njoftuar se Vladimir Putin dhe presidenti i zgjedhur amerikan Donald Trump kanë zhvilluar një bisedë telefonike.
Në deklaratën e publikuar nga Kremlini thuhet se Putin e ka uruar Trump për “sukses në zbatimin e programit zgjedhor” shkruan tch. Udhëheqësi rus është shprehur i gatshëm për t’u angazhuar në një dialog me administratën e re të bazuar në “parimet e barazisë”.
Më herët gjatë fushatës zgjedhore amerikane, Trump ka shprehur vazhdimisht admirimin për Putin.
Mësohet se mes dy bashkëbiseduesve, çështja e Sirisë ka qenë një prej temave të diskutuara./a.m.
