Një sulm botëror për ta çarmatosur Korenë Veriore është i mundur, por rezultati i tij do të ishte i paqartë, sepse Veriu është shtet i izoluar, ka thënë sot presidenti i Rusisë, Vladimir Putin.
“T’i kthehemi temës, në fund të fundit – a mund dikush të kryejë një sulm global çarmatues? Po, vërtet. Por, a do ta godiste cakun? E kjo nuk është e sigurt sepse askush nuk e di sigurt se çfarë ka atje”, ka thënë sot Putin në Forumin Ndërkombëtar për Efikasitetit të Energjisë, transmeton Express.
Lideri rus ka shtuar se nuk dihet 100% ku ndodhen objektet e Koresë Veriore pasi është shteti i izoluar.
Ndërkohë, Putin ka thënë se retorika detyruese kundër Penitanit dhe përpjekjet për të folur nga një pozitë fuqie vetëm sa ia shtojnë pushtetin udhëheqësisë së Koresë Veriore.
Ai u ka bërë thirrje të gjitha palëve të qetësohen dhe të angazhohen në dialog.
“Të gjitha palët duhet ta qetësojnë retoriken dhe të gjejnë mënyra për të bërë dialog ballë për ballë mes Koresë Veriore dhe SHBA-së, si dhe mes Koresë Veriore dhe vendeve tjera në rajon”, ka thënë ai.
ma.me
