Presidenti rus, Vladimir Putin shkarkoi aleatin e vjetër politik, Sergei Ivanov nga posti i tij si shef i kabinetit presidencial.
“Putin promovoi ish-nënkryetarin e stafit presidencial, Anton Vaino për të zëvendësuar Ivanovin”, shkruan Kremlini në portalin e tij.
Ivanov, mik me reputacion dhe ish-koleg i Putinit gjatë kohës së tyre në ish-KGB-në sovjetike, ishte shefi i stafit presidencial për katër vjet.
Ivanov gjithashtu ka shërbyer më parë si ministër i Mbrojtjes për gjashtë vjet dhe më pas si zëvendëskryeministër.
