Presidenti i Rusisë, Vladimir Putin, ka thënë sot se ende është shumë herët që të thotë nëse do të garojë përsëri për President në zgjedhjet ruse të vitit 2018. Zgjedhjet presidenciale në Rusi do të mbahen muajin mars të vitit të ardhshëm, transmeton Express.
Duke folur para gazetarëve gjatë vizitës në Pekin, Putin u pyet nëse ka ardhur koha që ai t’i përgjigjet pyetjes rreth mundësisë që ai të rizgjidhet president përsëri.Presidenti Putin tha se jo, nuk kishte ardhur koha.
7 maji 2017 shënon përvjetorin e pestë të ditës kur Putin u bë President i Rusisë për herë të tretë.
Pyetja rreth pjesëmarrjes së Putinit në zgjedhjet e radhës presidenciale mbetet e hapur. Zëdhënësi i Kremlnit, Dmitry Peskov, ka thënë më herët se kjo çështje ende nuk është në agjendën e Kremlinit, përgatiti ”Express”. (b.an)
