Presidenti rus Vladimir Putin i ka dërguar mesazh ngushëllimi presidentit amerikan Barack Obama, pas sulmit në një klub nate në Orlando të SHBA-së Në mesazhin e publikuar në faqen zyrtare të Kremlinit shkruan:
“Ndajmë dhimbjen dhe pikëllimin e familjarëve që humbën të afërmit e tyre në këtë sulm barbar, si dhe urojmë shërim të shpejtë për të plagosurit”.
Drejtori i Policisë së Orlandos, John Mina kishte deklaruar se një person i armatosur në 02:02 me orën lokale kishte marrë peng personat në një klub nate në qendër të qytetit ku më pas forcat SWAT në orën 05.00 kryen një operacion, shkruan AA, cituar nga Koha.
Në sulm u vranë 50 persona ndërsa u plagosën 53 të tjerë. (b.an)